Модул 3 – Лекција 3.3: Системско размислување и одржлив развој

Во рамки на оваа лекција ќе се запознаете со концептите за системско размислување со одржливи практики, инаку наведени во „Организацијата за учење“ од Питер Сенге (2006). Лекцијата е дизајнирана за сите професионалци кои работат во секторот туризам и кои сакаат да придонесат за поодржлива иднина на своите бизниси и/или работни места преку поттикнување на иновативни и одржливи решенија, како и примена на критичко и холистичко размислување и делување во сектојдневното работење.

Преку лекцијата, ќе имате можност да ги истражите дисциплините на т.нар. „Организација што учи“, како основа за решавање на итните еколошки прашања со кои се соочува туристичката индустрија. Со интегрирање на Системското размислување, воедно ќе научите подлабински да ги гледате сложените проблеми; меѓусебната поврзаност на процесите, како и да ги препознаат одржливите практики кои можат да поттикнат позитивни промени.

Целта на лекцијата е да ве охрабри да станете идни застапници за одржливи промени во туризмот, опремени со вештини за создавање, водење и поддршка на одржливи туристички бизниси и организации и примена на системското размислување и принципите на „Организацијата што учи“ за поттикнување на иновации и одржливост во кој било контекст.